Veeboerdery
Sy “boer” al vandat sy leer loop het, is die enigste van drie sussies wat altyd saam met haar pa, Kola Steyn, in die bakkie gespring het as hy veld toe ry, en het reeds haar eie beesboerdery gehad nog voordat sy skool toe is. Vandag boer Anette Steyn sielsgelukkig op die plaas waar sy grootgeword het.
“Ek sal eerder oor die bestuur van droogtes wil praat as oor enige ander aspek van boerderybestuur. My agtergrond by Virbac het my baie geleer oor hoe om voeding en dieregesondheid te bestuur,” begin sy met die lewenslesse wat sy graag aan ander boere wil oordra.
Sy het heel onder begin leer, en vandag behoort die Hoogvertoon Farming Trust aan Anette en Kola (nou 86). Die vier Hoogvertoon-kleinveestoeterye is op die familieplaas Goreis by Koës in die suide van Namibië, terwyl sy ook kommersieel met skape op die plaas Boesmandrink by Gochas in die Kalahari boer.
Die stoeterye bestaan uit Dorper-, wit Dorper- en Van Rooy-skape, asook Boerbokke. Op die Kalahari-plaas boer sy kommersieel met Dorpers, wit Dorpers, Van Rooy-wit Dorper-kruise en Swakara-skape. Daar hou sy ook Charolais-Brahman-kruiskoeie aan wat deur swart Angus-bulle gedek word.
Vitamien K(os)
Gedurende goeie jare sny en baal Anette soveel suurgras moontlik in die Kalahari en berg dit op. Die afgelope twee jaar het sy nie ’n enkele baal lusern gekoop nie en net suurgras