HY IS vandag die ene glimlagte waar hy op die grasperk met die gesin se honde speel – en dié tiener het baie rede om so gelukkig te wees.
Zandré Smith van Randburg het in al sy matriekvakke A’s gekry, ’n totaal van agt onderskeidings wat selfs hóm onkant gevang het. “Ek het gedink ek sou dalk drie onderskeidings kry,” sê hy.
Wat dit veral ’n verstommende prestasie maak, is dat Zandré in sy matriekjaar nie net agter die boeke moes spook nie, maar ook teen ’n seldsame siekte moes veg. Dié 18-jarige het ’n ernstige tipe A-hemofilie, ’n genetiese toestand wat veroorsaak dat sy bloed nie stol nie en hom dus met bloeiende gewrigte en