‘DIS ’N MINDER MOOI BROEKSPESIE, MAAR JITTE, DIS GEMAKLIK!’
OUER lesers sal dalk dié storie onthou: In die depressiejare, toe geldsake gesukkel en mense noustrop getrek het, het ma’s soms vir hul kinders onderklere uit ou meelsakkies gemaak. Dan moes jy versigtig wees dat dit nie uitsteek nie, of almal het geweet jou boude is in ’n meelsak.
Maar hoe dan nou? Die laaste jare het jy dalk opgemerk meelsakklere is nie meer iets wat mense skaam-skaam aantrek en probeer wegsteek nie. Nou loop hipsters, boheme, allerlei modieuse siele en selfs modebewuste tieners sommer oop en bloot rond in die broeke, hemde en rompies wat in groot letters spog dat dit eens ’n meelsak was.
En dan