‘DIE NAG HET MY TOEVLUG GEWORD, VRY VAN DIE DAG SE DINKWERK’
TOE haar pa dood is, het sy geweet: Nou gaan sy éérs sukkel om te slaap.
Solank as wat sy kan onthou, worstel die Britse skrywer Annabel Abbs met slapeloosheid. Maar nou, weens die hartseer van haar verlies, het sy elke nag nóg langer wakker gelê.
En tog, op ’n aardige manier was dit vir haar vertroostend.
“Oor die algemeen sukkel ’n mens om te slaap as jy bekommerd is dat jy die volgende dag niks uitgerig gaan kry nie,” sê Annabel, wat in Londen woon.
“Maar vreemd genoeg wou ek nou in die donker wakker gelê het om daardie tyd van stilte en rustigheid