Graanboer van die Jaar
Danksy ’n gelukkige sameloop van omstandighede kon 2023 se Graanboer van die Jaar op die regte voet met graanboerdery begin. Toe Pieter de Jager in 2003 by Albertinia begin boer het, was bewaringsboerdery nie meer ’n vreemde konsep in die Wes-Kaap nie.
As hy wou gaan raad vra, was leierboere soos CD du Toit en wyle Fanie Joubert boonop nie ver van hom af nie.
In die beginjare van bewaringsboerdery was dit nogal ’n gesukkel om geskikte planters te kry, maar teen die tyd dat Pieter begin boer het, het Rinus Willemse van Xfarm op Albertinia reeds begin om die legendariese Ausplow-planters van Australië in te voer.
Die De Jagers was nie altyd saaiboere nie. Toe Pieter en sy broer, André, kinders was, het hulle min saaigrond gehad. Hulle het met volstruise, wolskape en dekriet op duinegrond suid van die N2 geboer.
“My pa was grootliks ’n veeboer. Ons het bitter min saaigrond gehad omdat Albertinia toe as ’n hoërisikogebied vir graan beskou is.”
Pieter het ná skool ’n diploma in landboubestuur en ’n BTech-graad by die Saasveldkampus van die voormalige PE Technikon (nou die Nelson Mandela-universiteit) op George verwerf.
Nadat hy ’n MTech-graad in kwartelproduksie verwerf het, het hy werk by ’n dieregesondheidsmaatskappy gekry, maar sy pa het nog ’n plaas gekoop en ander planne vir hom gehad.
Hoewel hy meer