Bewaringsbeginsels werk vir vele vertakkings

Toe mnr. Drikus Mouton in 2017 die familieboerdery by sy pa oorneem, was dit soos ’n skoon doek vir ’n skilder. Hy kon begin om ’n nuwe prentjie te skilder. Hy het nie veel aan die diversifikasie van die boerdery verander nie, maar het begin om praktyke wat dit sou moontlik maak om minder kunsmis en landbouchemiese middels te gebruik, te oorweeg.

Organiese boerdery was ’n moontlikheid, maar al die voorskrifte en sertifiserings het hom afgeskrik. Uiteindelik het bewaringsboerdery geblyk die mees praktiese en doenbare opsie te wees.

“Bewaringsboerdery is ’n veilige middeweg. Dit beteken nie jy gaan nié chemiese middels of kunsmis gebruik nie, jy gaan net vra hoekom jy dit doen.”

Al het hy in die boerdery grootgeword en ná sy studie saam met sy pa geboer, het die feit dat hy bedryfsingenieurswese pleks van in ’n landbourigting gestudeer het, hom baie gehelp. “Ek was oop vir ander maniere van boer.”

Hy het