Jong boere
Vandat Johan Hanekom saam met sy pa begin boer het, is vele kostedoeltreffende veranderinge in hul skaap-en-graanboerdery by Moorreesburg aangebring. Die wisselboustelsel is verander van ’n eenvoudige koringmedicsstelsel na ’n stelsel met drie kontantgewasse en ’n groter verskeidenheid weidingen voergewasse vir die Merino-kudde.
Die trekkers en werktuie is minder, maar groter. Almal is toegerus met gesofistikeerde GPS- en presisie-uitmeettegnologie om net die regte hoeveelheid insette op die regte plek toe te dien en kan deur een mens bestuur word. Só word minder landbouchemiese middels gebruik en inset- en arbeidskoste bespaar.
Moet egter nie dink dit was net vir nuwe trekkers en werktuie koop nie. Johan (nou 30) moes eers navorsing doen om sy pa, Dirkie, te oortuig van die waarde wat die werktuie sou toevoeg en watter besparings hulle sou meebring. Eers nadat hul ouditeur dit goedgekeur het, kon hulle dit koop.
Een van die eerste veranderinge wat Johan aangebring het toe hy in 2015 begin boer het, was om ook kanola en erte