Pizza met ’n kaaskorsie
Die geheim van vinnige, lekker pizza met tuisgemaakte deeg is om die dag voor die groot bederf te begin. Die deeg sal geur ontwikkel terwyl dit oornag in die yskas rus.
Maak 1 plaatpizza (genoeg vir 4)• Voorbereiding: 1 uur• Baktyd: 12-15 minute• Oondtemperatuur: 220 °C
DEEG
• 3 koppies witbroodmeel
• 1 sakkie (10 g) kitsgis
• 10 ml suiker
• 3 ml sout
• 15 ml olyfolie
• sowat 300 ml louwarm water
SOUS
• 80 ml passata
• 1 knoffelhuisie, fyngekap
• 5 ml olyfolie
• ’n ruim knypie gedroogde Italiaanse kruie
• 3 ml bruinsuiker
• sout en peper na smaak
KORS
• 150 g mozzarella, in stafies gesny
• sowat 30 ml gerasperde parmesaan (opsioneel)
• ’n strooisel gekapte pietersielie
BOLAAG
• 12 salamiskyfies
• 250 ml gerasperde mozzarella
• ’n paar basilieblare
• 5 ml olyfolie
Maak eers die deeg:
Meng die meel, gis, suiker en sout in ’n groot mengbak. Meng die water en olie geleidelik by (jy sal dalk nie alles gebruik nie) totdat dit lyk of die deegbal bymekaarkom. Keer die deeg dan uit op ’n meelbestrooide oppervlak en knie vir ’n paar minute tot net glad. Probeer om so min moontlik ekstra meel by te voeg. Vorm die deeg in ’n bal, sit dit in ’n geoliede mengbak en bedek met kleefplastiek. Sit dit oornag in die