DIT is veronderstel om die vrolikste tyd van die jaar te wees, maar die feestyd herinner Pippie Kruger se gesin altyd aan daardie vreeslike dag toe hul ou lewe so saam met die koms van die nuwe jaar verdwyn het.
Pippie was ’n kleuter toe sy in 2011 by ’n Oujaarsaandbraai derdegraadse brandwonde oor 80% van haar lyf opgedoen het. Toe ’n bottel vuuraansteekjel by haar gesin se huis op Lephalale oor haar ontplof, het sy vir ’n kort, vernietigende rukkie in ’n menslike fakkel verander.
Maar baie dinge het gebeur sedert dié tragedie die Krugers geruk het.
Pippie is nou 14 en “’n volwaardige tiener”, vertel haar ma, Anicè Kruger, in ’n Zoom-onderhoud. “Die hormone is daar, en so ook die . Sy
