Dr. André de Klerk
DE KLERK (81), navorser wat vrugteen wingerdplase bestudeer het, is op 12 Januarie in die Medi-Clinic op Stellenbosch oorlede ná ’n beroerte. Hy het by Nietvoorbij navorsing gedoen oor onder meer die bestryding van wingerdplae. De Klerk het ook internasionale erkenning as wetenskaplike geniet en het ’n belangrike rol gespeel in die bestuur van die Landbounavorsingsraad en by Infruitec-Nietvoorbij, waar hy adjunkdirekteur en hoof van die plantbeskermingsafdeling was. De Klerk word oorleef deur sy vrou, Annette, vier kinders, Chris, Pierre, Anriëtte en Adéle, asook twee skoondogters, ’n skoonseun en vyf kleinkinders.
Willem Basson
, een van Darling se innoverende Basson-broers, is op 28 Januarie skielik oorlede. Hy het saam met sy broer, Paul, en hul kinders ’n gemengde boerdery op die plaas Uilenkraal bedryf met onder meer ’n Holstein-melkery, het oor die jare gereeld oor die Bassons se planne geskryf: Hoe hulle van die eerste melkboere in die Swartland was wat mieliekuilvoer gemaak het en ook in 2016 ’n biogasaanleg opgerig het nadat hulle Italië besoek het om boere daar die kuns af te vra. Basson laat sy vrou, Hannetjie, drie kinders en ses kleinkinders agter.