Klewerige varkliesrol
Vir 6Voorbereityd 20 minuteGaarmaaktyd 2 uur 30 minuteOondtemperatuur 160 °C
Jy benodig
• 1,3 kg ontbeende varklies, vel verwyder en gerol• ⅓ koppie whisky (of soet sjerrie)• ½ koppie sojasous• 2 koppies water• ¼ koppie ligbruinsuiker• ¼ koppies appelasyn• 3 cm vars gemmer, geskil en in skyfies gesny• 2 stukke steranys• 3 naeltjies• 1 lourierblaar
Só maak jy
1 Braai die vark in ’n swaarboompot tot oraloor goudbruin. Dis nie nodig om ekstra olie by te voeg nie – gebruik liefs die vleis se eie vet.
2 Roer die ander bestanddele by en bring tot kookpunt. Laat prut oop vir sowat 15 minute; skep enige skuim af wat op die oppervlak vorm.
Voorverhit die oond. Sit die deksel op en bak die vleis vir 2 ure. Draai die vleis halfpad deur die baktyd om in die sous.