Aktueel KLIMAATSVERANDERING
Toe Jack Human ná die Laingsburgvloed in 1981 die eerste tree na bewaringsboerdery gegee het, was dit om erosie te bekamp. Hy wou deur verminderde bewerking die water in die grond hou en só keer dat dit afloop en die bogrond wegspoel.
Hoe langer en intensiewer hy die stelsel op sy plaas by Heidelberg in die Wes-Kaap toegepas het, hoe meer ander voordele het hy begin waarneem.
Daar is toe nie juis oor klimaatsverandering gepraat nie, maar Jack het onwetend vir sy medeboere ’n kragtige stuk gereedskap gegee om ook by uiterste weersomstandighede aan te pas. Vandag word bewaringsboerdery beskou as een van die beste verskansings teen die risiko’s.
Aanpassing by ’n veranderende klimaat in die vrugte- en wynbedryf het met rasse skrede verbeter deur presisieskedulering,-besproeiing en grondbedekking om verdamping te verlaag, asook die ontwikkeling en vestiging van kultivars wat meer droogtebestand is.
Veeboere selekteer al hoe meer vir aangepaste diere en doen moeite om diere se gemak en gesondheid te verbeter deur weiding beter te bestuur en genoeg water en skaduwee te voorsien.
Ook op die gebied
