In alle uithoeke van die wêreld, in landelike sowel as stedelike gebiede, is die omvang van klimaatsverandering daar vir almal om te sien.
Daar was die onlangse verwoestende vloede in KwaZulu-Natal en Johannesburg. Die toename in veldbrande in Kaapstad en omgewing. Watertekorte in plekke soos Gqeberha in die Oos-Kaap. Sprinkaanplae in die Noord-, Wes- en die Oos-Kaap.
Alles die gevolge van klimaatsverandering, sê kenners. Die net kan wyer getrek word. Die droogte in Europa die afgelope somer. Die verskriklike vloede vanjaar in Pakistan weens die swaarder as gewoonlik moesonreëns en smeltende gletsers wat op 'n erge hittegolf gevolg het. Ekstreme winters en somers, met Kanada wat in 2021 die natste winter en warmste somer in sy geskiedenis ondervind het. Ysberge wat in die warmer poolstreke begin smelt, die see laat styg en iaagliggende eilande