‘JULLE, hierdie tak is darem baie lastig,” sê Palawa die kameelperd en klap die tak bo haar kop weg.
“Hy kronkel hier deur ’n gat in die dak in, en ek wil nou nie snaaks wees nie, maar die tak is in my pad,” sê sy vies.
“Ons sal netnou ’n plan met die tak maak, kom ons luister eers na die videoboodskap,” sê Paloeka die leeu.
“Ja, ek stem. Ons kan dit sommer met die snoeiskêr afknip,” sê hul vriendin Bibi. “Maar ek gaan eers die vraag van die dag speel,”