‘ALMAL WEET SAMBRELE IS GEMORS. DIE SPEKE KNAK, DIE LAP SKEUR EN DIE HELE DING DOP OM AS JY HARD NIES’
AS DIE antieke Chinese heerser Wang Kuang van 189 n.C. tot in 2023 kon spring, sou baie dinge sy mond laat oophang het. Die ou kryger sou uit die veld geslaan gewees het deur ’n TV of ’n 747.
Maar een ding sou hom nie juis geroer het nie. Die sambreel.
Rame van opvousambrele – baie naby aan soos ons hulle ken – is saam met hom in sy graf gekry.
T.S. Crawford skryf in A History of the Umbrella dis akkuraat om te sê die eerste sambreel is al meer as 3 000 jaar gelede gemaak. In die 1850’s is dit bietjie aangepas, en sedertdien het dit dieselfde gebly.
En dis absurd! Almal weet sambrele is gemors. Die speke knak, die lap skeur en die hele ding dop om as jy hard nies. Ons het al op die maan geland en loop met selfone rond, maar niemand het al die sambreel in die 21ste eeu ingesleep nie.
Tien jaar gelede het ’n student aan die Universiteit van Haifa in Israel amper R3 000 betaal vir ’n sambreel. Tal Kitron vertel die affêre het nie yster of lap gehad nie. “Revolusionêr,” sê die 35-jarige programmeerder vandag.
Dit was die Air Umbrella. ’n Video wys hoe iets soos ’n knopkierie die reën wegblaas met ’n laag hiperversnelde lug. Vir R3 000 kon jy daarin belê.
Niemand het
