BLINK gedink
’N (SKOTSE) ROKKIE WAT NETJIES PAS
Die woord ‘kilt’ het vreemd genoeg ’n Deense oorsprong en is eintlik ’n werkwoord wat ‘om iets te plooi’ beteken,” vertel Egbert Harmse, eienaar van Cargo Kilts in Springs wat Skotse rokkies, oftewel kilts, maak.
Sy idee is in 1988 uit studentepret gebore toe hulle op ’n stoute manier drank by ’n karnavaloptog wou insmokkel. Dié kwajongstreke het Egbert, ’n gekwalifiseerde meganiese ingenieur, dekades later op ’n nuwe spoor gesit, en deesdae tooi hy trotse manne met “’n wilde streep” in kilts.
En moenie dink dié kleurryke rokkies is net vir deftige geleenthede soos troues of kroningsplegtighede geskik nie. Egbert se Cargokilts (van bull denim) word gereeld by rugbywedstryde gesien en die manne dra T-hemde en plakkies daarby.
En as jy nog altyd gewonder het wat onder daardie kilt aangaan, het Egbert die antwoord: “Wat ’n man onder sy kilt dra, is sý besigheid. Maar die storie dat mans geen onderklere dra nie, is eintlik ’n urban legend.”
Moenie dat die nuuskierigheid jou oorval nie. ’n Vrou het onlangs by ’n rugbywedstryd op Ellispark haar rieme styfgeloop toe sy - onder die aanmoediging van alkohol
