DIE groenterak in die winkels kreun tans onder heldergroen broccoli. Ons wys jou hoe om van tradisionele geregte tot verskeie kraakvars broccolislaaie te maak – volmaak vir ’n warm somersdag.
ROMERIGE BROCCOLI-&-FETA-PASTA
GENOEG VIR 4 MENSE / BEREIDING: 15 MIN. GAARMAAK: 25-30 MIN.
◗ 500 g pasta, van jou keuse
◗ sout, soos nodig
SOUS
◗ 150-220 g broccoli
◗ 60 ml (¼ k) geroosterde sonneblomsaad
◗ 2 knoffelhuisies, gekap
◗ 60 ml (¼ k) roketof basilieblare
◗ 60 ml (¼ k) pietersielie
◗ 60 ml (¼ k) olyfolie
◗ 1 avokado, geskil en ontpit
◗ 125 ml (½ k) gladde maaskaas
◗ sap en fyngerasperde skil van 1 suurlemoen
◗ sout en vars gemaalde peper
AFRONDING
◗ 1 wiel feta
◗ ’n hand vol vars basilieblare
◗ olyfolie, vir oordrup
1 Verhit ’n groot kastrol gesoute water en bring tot kookpunt. Voeg die pasta by en kook tot al dente. Dreineer goed, maar behou 60 ml (¼ k) van die kookvloeistof.
2 Sous Stoom die broccoli tot gaar en laat afkoel. Jy kan dit ook in water kook as jy verkies.
Sit die sonneblomsaad en knoffel in die bak van ’n voedselverwerker en pols tot fyn. Voeg
