SELFSORG is belangrik – en ons hoef nie verder as ons kombuiskaste te kyk om onsself tuis te bederf nie, skryf Vicki Bramley in die tydskrif The Australian Women’s Week ly. Soute en lyfskroppe se gewildheid het gedurende die pandemie toegeneem en dis steeds gewild. Die rede is dalk dat ons in die verlede dikwels bederfgoed vir ander gekoop het terwyl ons eintlik self die pamperlang nodig gehad het, sê Kellie Collis, stigter van Salt by Hendrix, ’n velsorgreeks wat jou help om die vreugde van ’n bad vol water te herontdek.
Om na ons welstand om te sien het toenemend belangrik geword. Ons is meer ingestel op wat ons liggaam nodig het. “As jy haastig is, dink jy nie aan jou vel nie,”