SY IS die moederhen wat gedurig iemand oor die lewe of die liefde raad gee. Daarvoor is die aktrise Theresa Sedras uitgeknip. Want op 70 het sy immers al net soveel van die lewe gesien en ervaar as Mrs J, haar karakter in Suidooster.
Om die waarheid te sê, sy leef haar so uit in dié rol dat mense haar al op straat voorkeer om haar raad te vra. Soos die keer in die winkelsentrum naby haar huis in Kuilsrivier toe ’n wildvreemde paartjie hul baba na haar bring vir raad.
Dit was hoeka net ná ’n episode waarin Mrs J een van die jong karakters in die sepie met olies help smeer het,