WAAR hy ook al gaan in sy wyk – in die strate van die dorpie aan die voet van die Howickwaterval, of in die landelike nedersettings tussen die groen heuwels – hoor hy gereeld hoe een van sy Zoeloe-byname uitgeroep word.
Hier in die Zoeloe-hartland van Kwa-Zulu-Natal heet die gebruik om aan mense byname te gee izidlaliso. Losweg vertaal beteken dit om te terg of te vermaak. En Chris Pappas, die DA-burgemeester van die uMngeni-munisipaliteit, spring nie hierdie speelse tradisie vry nie.
Byname soos wat? wil ons weet. Chris (32) kyk eers half verleë na sy assistent. “Ek is maar skaam; ek weet nie of ek hierdie een moet deel nie . . .”
Maar dan pers hy voort: In die Mooirivier-distrik waar hy” of “” gedoop, wat “Klein rot” beteken. Sy assistent en veldtogbestuurder skaterlag.