Die kompetisie Onderwaterfotograaf van die Jaar wat in die Verenigde Koninkryk aangebied word, vereer die werk van fotograwe wat dit in die dieptes waag – of dit nou in die see, ’n meer, ’n rivier of selfs ’n swembad is. Die kompetisie het sy ontstaan in 1965 op die kusdorp Brighton gehad en sedertdien gegroei tot ’n jaarlikse fotografiehoogtepunt wat duisende inskrywings van reg oor die wêreld heen lok. Dit bestaan uit 13 kategorieë, onder meer Makro, Wye Hoek, Gedrag en Skeepswrakke. Daar
