t – teelepel/s e – eetlepel/s k – koppie/s
COQ AU VIN
GENOEG VIR 8-12 MENSE / BEREIDING: 20 MIN. MARINEER: 1 UUR OF OORNAG / GAARMAAK: 40 MIN.
’n Klassieke Franse gereg van hoender in rooiwyn gestowe. ’n Bouquet garni is ’n bossie van takkies kruie soos roosmaryn, pietersielie, tiemie, basilie, salie en selfs dille wat saamgebind word en wat geur aan ’n gereg verleen. Die bossie kan dan maklik met opdiening verwyder word.
◗ 1 rooi-ui, in stukke gesny
◗ 2 wortels, skoongeskraap en in ringe gesny
◗ 4 knoffelhuisies, fyngedruk
◗ 1 bouquet garni (sien wenk)
◗ 1 heel naeltjie
◗ 1 x 750 ml-bottel rooiwyn
◗ 12 hoenderdye
◗ sout en peper na smaak
◗ olie vir braai
◗ 60 ml (¼ k) botter
◗ 125 ml (½ k) brandewyn (opsioneel)
◗ 125 g spek, gekap
◗ 45 ml (3 e) koekmeel
◗ 15-30 ml (1-2 e) rooiwynasyn
◗ 750 ml (3 k) piekeluitjies, saggekook in die mikrogolf, en skilletjies afgetrek
VIR VOORSIT
◗ kapokaartappels
1 Meng die ui, wortels, knoffel, bouquet garni, naeltjie en rooiwyn.
2 Pak die hoenderdye in ’n niemetaalbak en giet die rooiwynmengsel oor. Bedek en laat marineer minstens ’n uur.
Verwyder die hoenderdye uit die marinade en geur met die sout en