Eiersmeer
Eiersmeer is so ouskool as kan kom, maar op ’n kraakbeskuitjie of sny plaasbrood is ’n skep daarvan darem lekker.
■ 6 hardgekookte eiers
■ 80 ml suurroom
■ 60 ml goeie mayonnaise
■ ’n Mespunt peperwortelsous
■ Sout, peper, gekapte kappertjiesaad en gerookte-brandrissiesmeer na smaak
Dop die eiers af en snipper dit in ’n mengbak. Voeg die suurroom, mayonnaise, peperwortelsous, sout, peper, kappertjiesaad en ’n bietjie brandrissiesmeer na smaak by. Sit voor teen kamertemperatuur. Lewer 6 porsies.
Kruie-en-kaassoufflé
Moenie bang wees vir soufflé nie. Dit smaak hemels – of dit nou hoog rys of nie! Om jou kans op ’n hoog uitgeryste soufflé te verbeter, sorg dat jou oond die regte temperatuur is wanneer jy die soufflé in