DIE kykNET Silwerskermfees is ’n hoogtepunt op die jaarlikse vermaakkalender en vind vanjaar van 23 tot 26 Augustus in The Bay Hotel en Theatre on the Bay in Kampsbaai, Kaapstad, plaas. Die fees is weer oop vir die publiek, en ’n beperkte aantal kaartjies is beskikbaar by silwerskermfees.co.za.
Daar is vyf splinternuwe rolprente, 14 kortflieks en, die eerste keer, ses dokumentêre wat hul debuut maak. Ons gee jou ’n voorsmakie van dié kykstof.
PUNTE
A Almal
D Dwelms
G Geweld
Gr Gruwel
N Naaktheid
O Ouerdiskresie
S Seks
T Taal
V Vooroordeel
HET JY GEWEET?
Vanjaar se premières op die fees sluit die eerste keer dokumentêre in. Dié ses flieks was deel van die Silwerskermfees se mentorskapsprojek, onder leiding van Idea Candy. Dié span het die opspraakwekkende dokumentêre Devilsdorp en Steinheist gemaak.
Al die kortflieks en dokkies sal ná die Silwerskermfees op kykNET(DStv-kanaal 144) en Showmax te sien wees.
DOKKIES
’N GIDS VIR LOUZANNE
23 AUGUSTUS OM 12:30
Die blinde atleet Louzanne Coetzee van Bloemfontein het onlangs ’n silwermedalje op die Wêreld-Para-atletiekkampioenskapsbyeenkoms in Parys losgehardloop. Omdat sy blind is, maak Louzanne in wedrenne staat op ’n unieke hardloopmaat – ’n gids wat haar hardloopritme, fiksheid en spoed verstaan en ewenaar. Deur haar merkwaardige loopbaan het Louzanne talle triomfe en teleurstellings saam met dié gidse beleef.
vertel hul storie en gaan jou met nuwe oë na die verhouding