OP DIE STOOF: IN DIE PAN
EIERNESSIES met AMASI-PANBROOD
GENOEG VIR 4 MENSE / BEREIDING: 30 MIN. STAAN: 15 MIN. / GAARMAAK: 30 MIN. KOSTE PER PERSOON: R17,50 / TOTALE KOSTE: R70
’n Liplek-lekker ete vir enige tyd van die dag. Pleks van die eiers nét so in ’n pan te bak, bak ons hulle in murgpampoentjienessies en sit dit voor saam met ’n kits-amasipanbrood.
PANBROOD
◗ 625 ml (2½ k) bruismeel, plus ekstra vir uitrol
◗ 2,5 ml (½ t) sout
◗ 250 ml (1 k) amasi
◗ 30 ml (2 e) olie, plus ekstra vir braai
EIERNESSIES
◗ 500 ml (2 k) gerasperde murgpampoentjies
◗ 1 ui, gerasper
◗ 15 ml (1 e) gekapte vars koljander (opsioneel)
◗ 30 ml (2 e) meel of bruismeel
◗ 6 eiers
◗ sout en vars gemaalde peper, na smaak
◗ ’n bietjie olie, vir braai
◗ 15 ml (1 e) water
Hou ’n kleefvrye pan met ’n styfpassende deksel byderhand.
1 Panbrood Meng die meel en sout in ’n groot mengbak en maak ’n holte in die middel van die meel. Meng die amasi en olie voor jy dit in die holte giet. Meng alles tot ’n klewerige deeg vorm. Vorm in ’n bal, bedek met kleefplastiek en laat staan minstens 15 min.
2 Verdeel die deeg in vier gelyke dele en rol elk rofweg in 1 cm-dik sirkels uit. Verhit die pan en voeg ’n bietjie olie by. Plaas een van die deegsirkels in die pan, verlaag die hitte en braai tot die deeg goudbruin is.
3 Drup ’n klein bietjie olie oor die deeg, draai versigtig om en braai nog 1-2 min. of tot die brood uitgerys, goudbruin en gaar is. Herhaal met die res van die deegsirkels en hou eenkant. Vee die pan met kombuispapier skoon.
Meng die murgpampoentjies, ui, koljander en meel. Klits twee
