Grootvee
Dit lyk of die Senepol, een van die snels groeiende beesrasse in Suid-Amerika, dieselfde patroon in Suid-Afrika volg. Buiten dat navorsing daarop dui dat dié beeste gesogte eienskappe bevat wat die invloed van klimaatsverandering kan oorbrug, verkies ekstensiewe meestertelers die ras om gereed te wees vir hoër temperature en langer droogtes.
’n Eienskap wat volgens wetenskaplikes ’n belangrike bydrae kan lewer, is die gladdehaargeen wat eie aan die Senepol is en hierdie beeste help om hul liggaamstemperatuur doeltreffend te beheer en bosluise af te weer. Hulle produseer dus optimaal in snikhete toestande, terwyl die afweer van bosluise, wat ekonomies belangrike siektes soos rooiwater, anaplasmose en knopvelsiekte oordra, ook ’n ligter aanslag op die boer