PIESANGS
Elvisbroodjie
Elvis Presley, die koning van rock, was verslaaf aan pangebraaide broodjies met piesang, grondboontjiebotter, spekvleis en ’n lekseltjie konfyt (of jelly, soos die Amerikaners dit noem). Stel dit gerus op die proef – dis regtig lekker!
■ 4 snye witbrood
■ Botter, vir smeer
■ 60 ml grondboontjiebotter
■ 10 ml kweper-, druiwe- of appeljellie (of heuning)
■ 1 piesang, gesnipper
■ 4-6 stukkies brosgebraaide spekvleis
Sit die brood op ’n broodplank en smeer die een kant met botter. Draai dit om en smeer die snye aan die ander kant met ’n dik laag grondboontjiebotter. Smeer twee van die snye met ’n bietjie konfyt (kweper- of ander vrugtejellie) of heuning. Pak dungesnyde piesang op, gevolg deur brosgebraaide spekvleis. Sit die ander snye brood, met die gebotterde kant na bo, bo-op. Verhit ’n droë pan tot warm en braai die broodjies tot goudbruin en bros
