Hoe het jy ’n stapgids geword?
Ek het van kleins af ’n passie vir die natuur en wilde plekke. En deur te stap kom ek daarby uit. Stap fasiliteer as’t ware vir my daai ervarings. Vir my gaan dit meer oor die afwyk van die bekende paaie af as om van A tot B by te kom. ’n Beroep as berggids was ’n uitvloeisel van die belangstelling. Ek glo nogal in die sêding: “As jy doen waarvoor jy lief is, dan sal jy nie ’n enkele dag in jou lewe werk nie.”
Waaroor gaan hierdie boek?
Die protagonis van die storie het breë skouers en is 1 086 m hoog – Tafelberg. Sy karakter is onpeilbaar diep, en ’n mens sal nie agter al die geheime van hierdie berg kan kom nie. is ’n versameling van 101 inskrywings oor stapen klouterroetes in die berg. Met elke hoofstuk probeer ek dieper in die berg
