Pinotage-BEES-SKENKELBREDIE
GENOEG VIR 6 MENSE / BEREIDING: 15 MIN. GAARMAAK: 2-3 UUR
Geïnspireer deur ’n tradisionele Franse beesvleisbredie, maar met ons eie kinkel. Hierdie bredie kan ook in ’n prutpot berei word.
◗ 1,5 kg beesskenkels of -potjiekosvleis (met been)
◗ sout en vars gemaalde peper
◗ 30 ml (2 e) olie
◗ 2 uie, in dik skywe gesny
◗ 6 knoffelhuisies, gekneus
◗ 2 lourierblare
◗ 4 takkies tiemie
◗ 1 takkie roosmaryn
◗ 2 stele seldery, gekap
◗ 4 wortels, geskil en in dik stukke gesny
◗ 250 ml (1 k) pinotage of ander droë rooiwyn
◗ 250 ml (1 k) beesvleisaftreksel
◗ kookwater, soos nodig
◗ 250 g sampioene, gehalveer
◗ 15 ml (1 e) meel gemeng met 30 ml (2 e) water
VIR VOORSIT
◗ vars basilie
◗ bykos van jou keuse
1 Geur die vleis met die sout en peper. Verhit die olie in ’n groot kastrol en braai die vleis in sarsies tot goudbruin oraloor. Skep uit die kastrol en hou eenkant.
2 Braai die uie oor matige hitte tot sag. Voeg die knoffel, lourierblare, tiemie en roosmaryn by en roerbraai ’n paar minute tot geurig.
3 Voeg die seldery en wortels by, en skep die vleis terug in die kastrol. Giet die wyn by en laat prut 10 min.
Giet die aftreksel by. Indien die vleis nie heeltemal bedek is nie, voeg ’n bietjie kookwater by. Laat die bredie 1½-2 uur oor matige hitte prut of tot die vleis sag is. Roer