Kizazi Moto: Generation Fire, ’n produk uit Disney+ se stal, is g’n gewone reeks nie.
Dis ’n versameling van 10 oorspronklike stories uit verskillende lande. Elke unieke verhaal is ook geskep en ge-skryf deur regisseurs van dié spesifieke land.
Maar ’n mens sal nie tradi-sionele sprokies hier kry nie – elkeen is ’n aksiebelaaide wetenskapsfiksieverhaal.
Hoe cool is dit nie!
En net sodat jy weet, dit is witwarm animasie dié. Die hoof-uitvoerende vervaardiger is die Amerikaner Peter Ramsey, wat ook verantwoordelik was vir die Oscarbekroonde Spider-Man: Into the Spider-Verse (2018) en Spider-Man: Across the Spider-Verse (tans in ons fliekteaters).
Anthony Silverston, een van die uitvoerende vervaardigers, sê is elke kortfliek baie anders, so elkeen gaan ’n verrassing wees.”
