DIT gaan swaar in die landbousektor. Sakevertroue het in die eerste kwartaal met 5 punte verswak tot 44. Dit is die laagste sedert die tweede kwartaal van 2020 toe covid-19-inperkings die eerste keer ingestel is.
Die sakevertroue-indeks van Agbiz en die Nywerheidsontwikkelingskorporasie is ook ver onder die neutrale vlak van 50 punte. Die grootste daling uit die 10 subindekse was ten opsigte van die netto bedryfsinkomste, wat met 6 punte geval het tot 61.
Die koöperasiemodel het homself egter al bewys as een manier om die landbousektor in uiters swaar tye te help, soos tydens die Depressiejare en die Tweede Wêreldoorlog. En Villiersdorp Koöperasie, beter bekend as Vilko, groei ná 100 jaar steeds, sonder om sy beginsels in te boet (sien kassie op bl. 25).
“Vilko is ’n primêre landboukoöperasie, een van net ’n paar wat in Suid-Afrika oorgebly het,” sê Ben Klindt, die hoofbestuurder. “Ons bly ’n koöperasie, want die lede wil beheer in eie