Ek het vandag uit die Oos-Vrystaat hierheen gery. Die teerpad daar van Rosendal na Senekal is so vol gate soos kaas in ’n komiekboek en ek moes hard konsentreer om nie een van die Mahindra se bande te hard te raps wanneer ek per ongeluk deur ’n diep slaggat ry nie. By Ventersburg het ek op die N1 geklim en noord gery. Hoewel ek lank voor spitsverkeer deur Johannesburg, Midrand en Pretoria gery het, bly dit ’n stresvolle stuk pad – sóveel mense, en elkeen
