BESPREEK SÓ BY EZEMVELO KZN WILDLIFE
Hierdie tariewe is geldig tot 31 Oktober 2023. Bespreek jou verblyf by die iSimangaliso-vleilandpark, Hluhluwe-iMfolozi, Ithala- en Ndumo-wildreservaat deur Ezemvelo KZN Wildlife se sentrale besprekingskantoor te kontak. 033 845 1000; bookings.kznwildlife.com; kznwildlife.com
ISIMANGALISO-VLEILANDPARK
Wanneer jy jou tent by Kaap Vidal, Sodwana of Kosibaai opslaan, is dit maklik om jou te verbeel jy’s iewers verder noord in Mosambiek.
Die Indiese Oseaan se water is warm en helder en jy deel leë strande met seeskilpaaie, krappe, voëls en ’n visserman of twee. Die binnelandse deel van die reservaat is so wild soos die Kruger – ’n luiperd kan soos ’n spook opdoem en vinnig weer verdwyn.
DOEN DÍT Leerrug- en karetseeskilpaaie lê hulle eiers op die strande tussen St. Lucia en Kosibaai in November. Die kleintjies broei sowat twee maande later uit en mik vir die see. Verskeie operateurs bied toere aan – gaan na isimangaliso.com Bewaringstarief Maphelane & Valsbaai: R54 p.p.; R32 per kind jonger as 12. Oostelike oewer & Kaap Vidal, uMkhuze, Westelike oewer & Charters Creek: R59 p.p.; R43 per kind jonger as 12. Sodwanabaai & Kuswoud: R32 p.p.; R22 per kind jonger as 12. Kosibaai: R65 p.p.; R32 per kind jonger as 12.
Tariewe vir voertuie en gemeenskapsheffings nie ingesluit nie.
VERBLYF St. Lucia-riviermonding Kamp (met krag) vanaf R130 p.p.
Kamp (met krag) vanaf R170 p.p.; houthutte vanaf R1 260 p.n. vir 2 mense; boslodge vanaf R4 020 p.n.