PILANESBERG-WILDRESERVAAT
As jy genoeg olifantbeelde by Sun City gesien het, gaan soek een in lewende lywe in hierdie Groot Vyf-reservaat. Pilanesberg is in die krater van ’n uitgestorwe vulkaan en meer as 7 000 wilde diere en 300 voëlspesies kom hier voor. Jy kan die reservaat op wildritte (selfry en begelei), stapsafari’s en selfs in ’n warmlugballon (gaan na mankwegametrackers.co.za) verken.
DOEN DÍT Pilanesberg het ses voëlskuilings. Die Mankwe-skuiling langs die Mankwedam is die gewildste. Dis in ’n C-vorm gebou, strek in die water in en laat jou toe om na die ooste én weste foto’s te neem sodat jy altyd goeie lig kan hê. Voëls sit graag in die dooie bome in die water – dis die ideale plek om daardie foto van ’n kuifkopvisvanger te neem waaroor jy nog altyd droom.
Bewaringstarief R80 p.p.; R30 per kind 6-12 jaar; R40 per voertuig.
VERBLYF Bakgatla Resort Kamp sonder krag vanaf R322 p.n.; met krag vanaf R345 p.n. vir tot 6 mense. Kinders jonger as 6 jaar bly verniet. Jy moet ten minste vir 2 aande hier slaap oor naweke.
Kamp sonder krag vanaf R322 p.n.; met krag
