DIE man wat vandag uit die Amerikaanse stad Philadelphia aansit vir gesels se hare het lankal silwergrys geword, maar sy kenmerkende swart gholfhemp verklap hy’s op pad baan toe om nege putjies saam met sy kleinkind te speel.
Op die kruin van sy loopbaan het sy voorliefde om van kop tot tone in swart te speel juis aan hom die bynaam “The Black Knight” besorg. Net so eie aan hom soos sy klerestyl was sy gitswart hare, altyd netjies agteroorgekam.
En op die ouderdom van 87 is daar nog g’n einde aan die legendariese Gary Player nie. Hy speel nog vyf keer per week gholf, doen genoeg opstote in die gimnasium om die jonger manne te laat bloos, reis baie en werk hard en lekker.
“As ek moet aftree, sal ek seker môre doodgaan,” lag Gary in ons video-onderhoud. “Nee,