Kinders is van nature oor amper alles geesdriftig – en wiskunde behoort geen uitsondering te wees nie. Hopelik hou jy ook van wiskunde, maar indien nie moet jy dit liewer nie aan jou kinders bely nie. Maak maar of jy gek is daaroor – dis vir ’n goeie doel.
ALMAL KAN WISKUNDE DOEN
Kinders met gelyke vermoëns kan óf uitstekend óf hopeloos in wiskunde wees. Dit hang alles van hul gesindheid oor die vak af en van hoe gereeld hulle kans kry om wiskundige begrippe te oefen.
In navorsing oor vroeë getallebegrip is gevind dat alle kinders met ’n intuïtiewe vermoë gebore word om eenvoudige syferhoeveelhede te kan hanteer.
Dié bevinding is gemaak nadat wetenskaplikes skyfies gewys het aan babas tussen ses en agt maande oud: eers ’n skyfie met twee kolletjies en daarna een met drie kolletjies op. Die babas het langer op die skyfie