SOMS as ek die poppekas so sit en doen, dan wens ek ek kon so iets bywoon toe ek so klein was. Ons het gewoonlik net in die wingerd gespeel. Blare bymekaar gevee en pophuisies gebou.
Ek was 13 toe my ma dood is. Die oggend van haar dood, het ek by haar in die kamer gaan klaarmaak vir kerk. Sy het gelê en slaap, en ek het vir haar gevra: “Is Mamma orraait?”
Sy het nie geantwoord nie.
Ons is kerk toe sonder haar, maar iets het net nie reg gevoel nie. Wanneer ons moes opstaan om te sing, kon ek net nie opstaan nie. Toe die Woord bedien word,