DIS allesbehalwe ’n sonskyndag. Groot, donker wolke pak saam oor die Babbelboomhuis. Die donderweer dreun, weerlig blits en groot reëndruppels spat teen die ruite.
“Sjoe, maar dit raak nou donker,” sê Palawa die kameelperd. “Ek kan skaars sien waar ek loop.”
“Wag, ek sit vir ons ’n lig aan,” sê Bibi en skakel ’n lamp aan.
Daar is ’n blits en ’n harde donderslag en Paloeka die leeu wip soos hy skrik.
“Ek hou nie van weerlig nie,” sê Paloeka en skuif nader aan Palawa.
“Is julle twee reg om na ons videoboodskap te