INSPIRASIE
M ischke Schippers (31) het op sewe vir haar ouers gesê sy sien ’n lang, donker figuur in die gang.
Jane en Steven Schippers het dadelik vermoed daar is dalk fout met hul middelkind se sig. Oogsiektes is immers geneties by die Schippers’e. Hul vrese is bevestig en Mischke is met degeneratiewe miopie oftewel progressiewe bysiendheid gediagnoseer. Nes in die geval van haar twee susters (Stevencia en Anochke), haar pa en sy ma, Miena.
Miopie of bysiendheid begin dikwels op ’n vroeë ouderdom by kinders, sê dr. Frikkie Hartog, ’n oftalmoloog (’n spesialis in onder meer visie- en oogsorg) van Bellville in die noorde van Kaapstad. Met miopie kan die persoon goed in sy onmiddelikeomgewing sien, maar voorwerpe in