DIS nie ’n gedagte waarby die meeste mense graag stilstaan nie, maar ons almal weet dit gebeur – omdat die dood deel van die menslike kondisie is, is die verlies van ’n geliefde ’n wrede en onvermydelike ding waardeur ons almal in die gesig gestaar word.
Selfs met die vooruitgang in tegnologie kan ons steeds nie mense uit die dood opwek nie. Maar tegnologie bied wel ’n paar strelende pleisters. Dit maak ons nagedagtenis aan die dooies helderder deur ons herinneringe op foto’s of in video’s digitaal te versamel en te berg.
Maar nou begin party maatskappye ook om kunsmatige intelligensie te gebruik om lewensgetroue afbeeldings te skep van die geliefdes wat ons verlaat het. Anders as foto’s kan dié afbeeldings praat en interaksie met ons hê.
Die app HereAfter AI moedig gebruikers byvoorbeeld aan om hulself op te neem terwyl hulle oor hul lewe praat. Die opnames word georden om ’n “Life Storyavatar” te skep. Dit is ’n afbeelding van die gebruiker wat in digitale vorm voortleef. Nadat jy dood is, kan mense jou avatar vrae vra, en dit (oftewel jy) sal dan op hul vrae kan reageer. Jou agteragterkleinkinders kan jou (of is dit eintlik jou avatar?) in die toekoms vra hoe die lewe in die pandemie was, wat jou laat lag het, wat jy die meeste berou het.
Nog so ’n diens, StoryFile, doen iets