DIT maak nie saak wie jy is nie – as jy klein kindertjies het, gaan ’n volmaak netjiese huis jou nie beskore wees nie. Kyk maar net na Marie Kondo.
’n Paar jaar gelede was sy nog die ghoeroe van minimalisme en netheid. Sy het mense aangemoedig om hul huise leeg te maak van enigiets “that does not spark joy”, tot dit soos ’n hospitaalsaal begin lyk. Klere moes so netjies opgevou word dat dit lyk asof ’n robot dit gedoen het, enige boeke wat jy nie weer gaan lees nie, moes asblik toe, en eindelik – so het sy haar miljoene volgelinge wêreldwyd belowe – sou jou huis ’n hawe van kalmte en Zen wees.
Maar toe kry sy kinders.
“Tot nou toe was ek ’n professionele opruimer, so ek het my gesê. “Nou het ek daardie doel soortvan laat vaar. Ek besef nou wat belangrik is, is om tyd by die huis saam met my kinders deur te bring.”