Speurder Williams weet dat die moordtoneel nie versteur mag word voordat die forensiese ondersoekers nie hul werk gedoen het nie. Hy kon nie wag dat die ondersoekers deur elke item van hul kit gaan om bewyse te versamel nie.
Dit het soos 'n ewigheid gevoel. Speurder Williams streel sy dogter se hare. 'n Troos vir oulaas – vir hom, vir haar.
“My Misty. Daddy se engel,” sê hy.
Sy oë skiet weer vol trane toe sy oë haar rooi glaserige kykers ontmoet.
Hy was veronderstel om met verlof te gaan. Misty het hom nog drie weke gelede gebel en gesê hy moet ophou om so hard te werk. Dat hy oud raak. Dat mense sy ouderdom planne moet maak om af te tree. “Ou mense wat iets het om hulle mee besig te hou, vergaan nie sommer nie. My emmer staan nog stewig regop.
