SOOS enige jong meisie het sy groot drome gehad. Trouens, vandat sy 11 jaar oud was, droom sy daarvan om eendag ’n model te word en aan die Mej. Suid-Afrika-kompetisie deel te neem – nes soveel ander mooi jong vroue.
Maar Tammy Terblanche (23) se situasie is heelwat moeiliker as dié van baie ander jong vroue.
Sommige mense kon dalk selfs stilweg dink haar droom van ’n skoonheidstitel sal ontwykend bly.
Weens die seldsame sindroom waarmee sy gebore is, is Tammy vandag serebraal gestremd. As ’n kwadrupleeg kan sy slegs met die hulp van ’n rolstoel oor die weg kom.
Boonop het die magdom medikasie wat sy die afgelope 22 jaar moes drink rooi vlekke oor haar gesig laat uitslaan en haar tande geel verkleur. Sy was in ’n stadium te skaam
