TOE Huisgenoot die Mej. Tiener-kompetisie begin bemark het, het ons gesê ons is op soek na ’n rolmodel vir ’n nuwe generasie jong mense. Iemand wat sjarmant en slim is. Iemand met deernis vir ander en hoop vir die toekoms. ’n Doener wat mooi is van buite én binne.
En hier is 10 beeldskone tieners van reg oor Suid-Afrika, wat elkeen ’n unieke storie en boodskap het.
Elkeen van hulle voldoen aan daardie beskrywing waarmee ons ons soektog begin het. Ja, hier is hulle uiteindelik, ná weke se gewag: die top-10-finaliste in Huisgenoot se Mej. Tiener-kompetisie van 2024.
Nou wil ons hoor wat julle, ons lesers, sê!
Besoek huisgenoot.com en stem vir jou gunstelingfinalis op ons spesiale stemblad.
Maar voor jy dít doen: Leer ken hulle saam met ons van nader.
Amy-Leigh Shirley (16), Hoërskool Montagu, Montagu
LEWENSLEUSE
Woorde dra krag.
Sy het haar voorgeneem vanjaar gaan sy haarself uitdaag en buite haar gemaksone beweeg, sê Amy-Leigh.
_amyleighshirley
Haar ma, Charlotte, wat ook haar beste vriendin en rolmodel is, het haar aangemoedig om vir die kompetisie in te skryf.
“As klein dogtertjie het my ma my altyd soos ’n prinses aangetrek, en dit is waar my passie vir mode en skoonheid begin het,” sê sy.
Toe sy sien sy het die top-30 van die kompetisie gehaal, was sy sprakeloos.
“Ek het van opgewondenheid begin bewe,” sê die donkerkop,
