Oorbietjie
GEWIG 14-20 kg SKOUERHOOGTE 60 cm
Die oorbietjie is die grootste van ons klein wildsbokkies. Dis ’n mooi oranjebruin bok met ’n wit pens en ’n klossie swart hare aan sy stertpunt.
Die ramme het regop horings met riffels. Die oorbietjie kom hier en daar in Suid-Afrika voor – meestal in die reservate van KwaZulu-Natal en Mpumalanga.
Dié bok het onder elke oor ’n groot swart klier wat hy teen grasstingels skuur om sy gebied met sy reuk te merk. Wanneer iets hom jaag, kan hy maklik in lang gras skuil deur net plat te lê.
Die oorskulpe het swart strepe binne-in.