HULLE noem sy kantoor in Londen se spoggerige Harleystraat die “Last chance saloon”. Die rede? Elke jaar soek sowat honderd paartjies sy hulp om uit die skeihof te bly.
Kyk jy na sy kliëntelys, is hy klaarblyklik baie goed daarmee. Korporatiewe grootbase, glansmense en selfs koninklikes pak die besonderhede van hul verhoudings by hom uit.
Sy “beradingspakkie” van 12 weke kos ’n yslike R370 000.
En nou is daar vir die deursnee-ou ook hoop, want vir die eerste keer bied die Britse huweliksghoeroe Stephen Hedger gratis sy raad aan.
“Ek wil soveel mense help as wat ek kan. Daarom deel ek my beproefde maniere om jou verhouding die heel beste kans op sukses te gee … Ek wil die vonk weer behoorlik laat vlam vat,” verduidelik hy.
Nóg goeie
