KORTOM
■ Die naam Nooitgedachter kom van die Nooitgedacht-proefplaas by Ermelo waar veekundiges en veeartse dié perde uit die Basoetoe-ponieprojek geteel het.
■ Nooitgedachters is bekend om hul goeie temperament en veelsydigheid as skou-, werk- en ryperde.
■ Telers gebruik deesdae Iberiese hingste om die genetiese diversiteit van die ras te verbeter.
Die Nooitgedachter-perderas vier vanjaar sy 70ste bestaansjaar. Dié perde is bekend om hul temperament en veelsydigheid, en toon hul staal op skoue, in uithouritte, vir plaaswerk en plesierritte.
Die ras het sy oorsprong in die 1940’s toe ’n voorstel vir ’n Basoetoe-ponieprojek gemaak is. Die naam spruit van die Nooitgedacht-proefplaas by Ermelo waar die ras ontwikkel is.
Omdat die genepoel so klein was en een rasegte Arabier-hings en een Arabier-Boerperd-kruishings gebruik moes word om dit aan te vul, het die mense wat by die projek betrokke was, gereken dit is misleidend om die perde Basoetoe-ponies te noem.
Daar word dikwels aangevoer dat die Nooitgedachter ’n mensgemaakte ras is. Die feit is dat alle perderasse, afgesien van die Prewalski-perde van Sentraal-Asië, mensgemaakte rasse is.
Dit is belangriker om te noem dat