KORTOM
■ In 2019 het Namibië die ergste droogte in honderd jaar beleef en kenners meen tot 70% van die nasionale wildgetalle was teen begin 2020 uitgewis.
■ Ná die covid-19-inperking en groot droogte het besighede weer kop opgetel en die biltongmaker mnr. Herman Fourie sien nou weer kans vir die toekoms.
■ Die verwerking van wildsvleis maak ongeveer die helfte van sy besigheid uit.
INLIGTING
Ligging: Okahandja, Namibië
Naam: Closwa Biltong
Eienaarskap: Privaat
Bron van wildsvleis: Van reg oor Namibië, met die beste bronne in die suidooste waar die landskap oop en die oes van wild makliker is. Vir ’n paar jaar is selfs karoowild van EU-gehalte vanaf Suid-Afrikaanse verwerkers ingevoer.
In Namibië is boerdery gróót en vee- en wildboerdery sekerlik die grootste van ál die boerderysektore. Die land is ook in ’n unieke posisie om vleis na veral die Europese en Noorweegse mark uit te