VERBEEL jou die hel wat jy sou deurmaak: Dit begin aand raak, jou dogtertjie het nie teruggekom huis toe nie en jy probeer jou bes om jouself te oortuig sy is veilig, sy is net laat en sal enige oomblik by die voordeur instap.
Nadat Quinton Goodman die hele buurt vir sy negejarige dogter, Quinisha Sebrandt, deursoek het en selfs die polisie verwittig het dat sy skoonveld is, is hy terug huis toe ingeval sy daarheen sou terugkeer.
Hy het gewag en gewag en gewag.
Later was dit donker, slaaptyd, maar vir Quinton was daar geen rus nie. Met tye was hy in trane; deurgaans het hy gebid.
Tot hy die oggend om drieuur ’n klop aan sy voordeur hoor. Hy het die deur oopgepluk
