BROCCOLI-MOZZARELLA-en-SPEKHAPPIES
LEWER 20-22 HAPPIES / BEREIDING EN BAK: 30 MIN.
◗ 200 g broccolirys, sien wenk
◗ 1 k gerasperde mozzarellakaas
◗ 3 eiers, liggies geklits
◗ 2-3 spekrepe, brosgebraai en fyngekap
◗ 3 e (45 ml) klappermeel
◗ 2 e (10 ml) gerasperde parmesaanstylkaas of voedingsgis
◗ 1 t (15 ml) droë gemengde kruie
◗ 1 t (15 ml) knoffelpoeier of 1 knoffelhuisie, fyngekap
◗ ½ t (2,5 ml) mosterdpoeier
◗ ¼ t (1,25 ml) psilliumveselpoeier
◗ sout en swartpeper na smaak
1 Plaas al die bestanddele in ’n mengbak en meng met ’n houtlepel of vurk tot dit maklik in ’n bal gevorm kan word. Skep eetlepels vol van die mengsel uit en rol tussen jou palms in balletjies, ongeveer so groot soos tafel-tennisballetjies. (Voeg ’n bietjie klappermeel by as die mengsel te taai is.)
2 Versprei die happies op ’n bakplaat wat met bakpapier uitgevoer is en bak 18-20 min. in ’n voorverhitte oond by 190 ºC tot goudkleurig en bros alkante. Draai een keer in die bakproses. Sit warm of koel voor.
WENK
Om broccolirys of blomkoolrys te maak, zirts die stingels en blommetjies in ’n voedselverwerker of rasper dit aan die growwe kant van ’n boksrasper.
PESTOSTOKVIS MET KAAS in die pan gebak
GENOEG VIR 4-6 MENSE / BEREIDING EN BAK: 15 MIN.
◗ 2 e (30 ml) botter◗ 3 e (45 ml) olyfolie of avokado-olie, plus 1 e ekstra◗ 800 g stokvisfilette, by kamertemperatuur ontdooi◗ 1 knoffelhuisie, fyngedruk of fyngekap◗ 1 e (15 ml) visspeserye◗ sout en gemaalde swartpeper na smaak◗ ½ hoeveelheid elkedag-pesto, sien onder, of ½ k gekoopte pesto◗ 1 k gerasperde parmesaanstylkaas ◗ suurlemoenwiggies vir voorsit
